Duniya se umeed nahi,

Umeed pe duniya hai kayam.

Umeed lagaye kyun baitha hai Samir,

Ye duniya hai badi jaalim.

Aaj subah jab aankh khuli,

Dekha, batti jal rahi hai,

Laptop chalu hai,

Rajai bhi nahi odhi hai.

Achambha to ye hua,

Ki alarm bhi nahi baja tha.

Phir yaad aaya,

Arre raat ko padhna tha.

Aaj to test hai,

Uske pehle class mein bhi jaana hai.

Utha, batti bhujai,

Laptop band kiya,

Aur wapas so gaya.

Adhe ghante baad ek phone aaya,

Dost ne bola, chal nashta karte hain,

Maine kaha haan dus minute mein aata hun,

Taiyar ho jaoon, phir class jaana hai.

Pahunch gaye nashta karne,

Socha class ke baad aur test ke pehle padh lenge.

Aaram se phir nashta kiya,

Uthayi cycle aur nikal pade.

Raste mein unse mulaqat hui,

Maine wave kiya, unhone smile pass ki,

Samay ki pabandi thi, hum chalte rahe apni apni disha,

Socha maine, ab din zaroor guzarge achchha.

Department pahunche,

Thodi padhai shuru kari,

Sir ka intezaar kar rahe the,

Par wo aaye hi nahi.

Class cancel ho gayee,

Main wapas hostel aa gaya.

Sahi socha tha maine subah,

Ye bhi samajh mein aa gaya.

Aaram se baithkar padhai ki,

Phir khana khaya, class gaye.

Test shuru hua, diya,

Bahar nikle, khush hue.

Phir yaaron ke saath 

Chai peene chal pade,

Wahan phir se dekha unko,

Mann hi mann shukrguzar hue.

Din hamara achchha nikla,

Khushi unse baatna chahte hain,

Yehi tamanna hai rab se meri,

Kaash unka bhi din achchha nikla ho.

Jab wo saamne aati hain,
Duniya tham si jaati hai,
Sirf unhe hi dekhta rehta hun,
Aankhein jam si jaati hain.

Chehre pe unke ek udasi hai,
Kyun unka mann yun bhari hai,
Kahi kuchh to galat hai,
Jo aankhon mein unke paani hai.

Koshish chahe jitni karun,
Unse baat na kar pata hun,
Kya unko main bolun,
Ye baat na samajh aati hai.

Par aaj unke chehre ko,
Maine pehli baar khilkhilate dekha,
Aankhon mein unke chamak dekhi,
Honton pe badi si muskan dekhi.

Hum unhe jaante nahi,
Par pata nahi kyun,
Unko haste dekha to,
Khud ko bhi humne haste dekha.

Kholo in aankhon ko, dekho,
Hai duniya badi pyari.
Rona band hua, hanso,
Hai zindagi bachi saari..

Chahe samajh lo ek dava ise,
Kabhi meethi, kabhi khari.
Jiyo har pal muskurakar,
Lamha - lamha, baari - baari..

Bhula do saari yaadon ko,
Koi baat na rahe jaari.
Samajh lo ab sab theek hai,
Jo galtiyan, li sudhari..

Khushi se bhara rahega sama,
Mann kabhi na hoga bhari.
Kam na padegi kabhi,
Hai ye apni yaari.