Is waqt ko thaam lo, tumhe aage le jaa raha hai,
Duur chale gaye ho, yakeen nahi aa raha hai.

Aasman mein jaane kahan se, ghana baadal chhaa raha hai,
Par phir bhi mujhko kahin se, chaand nazar aa raha hai.

Na jaane kahaan pe koi, ek madhur geet gaa raha hai,
Mere mann ko har pal wo, teri yaad dila raha hai.

Tere siva ab mujhe, koi khayal nahi raha hai,
Sach hai ye, tere bina, chain bhi mera naa raha hai.